2022-10-22 Postu Saúde Bualale 2
Polítika Governu nian lori saúde besik ba komunidade, ministériu saúde kontinua halo asaun progresiva hodi harii fasilidade saúde iha komunidade nia leet, iha área remota sira no koloka profisionál saúde bá iha fasilidade saúde hotu-hotu. Ministra Saúde sente haksolok hodi selebra kontenti ho Bualale oan sira ne'ebé ohin hetan dezenvolvimentu iha setor saúde iha sira-nia suku. "Ko'alia kona-ba postu saúde ha'u hakarak defini klaru iha ne'e katak postu saúde no sentru saúde la'ós fatin atu bá halo tratamentu de'it, maibé fatin atu bá fahe informasaun, fatin atu bá simu infomasaun husi profisionál saúde sira ka fatin atu halo ema la bele hetan moras. Entaun ho estabelesimentu postu saúde ne'e para oinsá halo Bualale oan sira labele hetan moras, tenki bá rona infomasaun saúde atu prevene-an husi moras, tenki lori labarik sira bá simu vasina no inan isin-rua sira tenki bá partu iha fasilidade atu bele hetan tulun husi parteira sira." Ho postu saúde foun ida-ne'e Ministra Saúde kompromete esforsu atu kompleta ho profisionál saúde kompostu husi médiku, enfermeiru, parteira no tékniku Aliadu, inklui ai-moruk no enkipamentu médiku bá fasilidade saúde refere. "Tuirmai ha'u hakarak ko'alia mós katak Señor Prezidente Autoridade, Reprezentante husi Ministériu Administrasaun Estatál nian, sira hatene ona katak too tempu ida serbisu saúde ne'e sira mak sei tau atensaun. Ita-nia Lei ko'alia kona-ba desentralizasaun, katak serbisu sira ne'ebé mak durante ne ministériu saúde kaer loron ida ami tengki entrega ona ba iha nai xefi aldeia no xefi suku sira no administradór sira, atu sira mak administra rasik sira-nia ema no fasilidade hotu iha terenu, Ministériu Saúde sai hanesan ministériu ida ne'ebé mak fó apoiu iha parte tékniku nian". Relata Ministra Saúde.
Oportunidade ne'e nu'udar Ministra Saúde apela ba joven Bualale oan sira atu esforsu-an estuda maka'as atu bele sai profisionál saúde nune'e iha futuru bele fila bá iha Bualale hodi serbí komunidade sira.Relevante Bilder
Relevante Artikel
BualaleBualale ist ein osttimoresischer Suco im Verwaltungsamt Quelicai. .. weiterlesen