2022-12-23 Sede Posto Administrativo Bazartete

Autor/Urheber:

Ministério da Administração Estatal, República Democrática de Timor-Leste

Shortlink:

https://www.dewiki.de/b/30453b

Quelle:

Wikimedia Commons

Größe:

1052 x 780 Pixel (178994 Bytes)

Beschreibung:

MINISTRU MAE INAGURA EDIFÍSIU FOUN POSTU ADMINISTRATIVU BAZARTETE MUNISÍPIU LIQUIÇA

Bazartete, 22 Dezembru 2022-Ministru Administrasaun Estatal, Miguel Pereira de Carvalho, akompanã husi Administrador Munisípiu Liquiça, Adm. PA Bazartete no PA Liquiça, Xefe Gabinete Ministru nomós VM MAE, Asessor MAE, DJDR, DJAF MAE, Diretor PDIM MAE, Komandante Eskuadra PA Munisípiu Likisa nomós Diretor Linã Seitoral Munisipal inklui Reprezentante husi Paroki Bazartete inkkui Xefe suku nain 9, lia nain Veteranu, Entidade relevantes nomós Komunidade PA Bazartete, hala'o inagurasaun ba edifísiu foun iha PA Bazartete, Munisípiu Liquiça. Seremónia inagurasaun ne'e, hahú ho seremónia kultural mak hanesan tara tais, lian dadolin husi lia nain, halolo Bua-Malus, koa fita nomós entrega save, kontinua ho Fó bensa ba edifísiu husi reprezentante Padre Parokial PA Bazartete, Pe. Hermenegildo Sarmento nomós Assina Plaka husi Ministru MAE. Hafoin inagura, Governante atual mós hato'o iha ninia diskursu katak, antes inagura edifísiu foun PA Bazartete, iha ona mós kondisaun balun mak hanesan reabilita ona sede suku 9 nomós eskola balun iha postu ida ne'e, maske nune'e sei presija aumenta fasilidades sira hodi apoiu servisu sira iha atendimentu publiku sira iha Postu Administrativu nomós suku sira. Ministru mós afirma katak, Dezenvolvimentu signifika, iha tempu balun halo dadaun buat ruma no tempu tuir mai sei halo tan buat ruma, maske neneik, maibe bebeik. Inagurasaun ba edifísiu foun ida ne'e, ho objetivu atu bele halo atendimentu ne'ebe diak liu tan, kompara ho tempu hirak liuba, maske hasoru difikuldade, maibe administrador nomós Xefe suku sira kontinua hala'o servisu ho responsabilidade, maibe ohin loron PA Bazartete bele iha ona edifísiu foun ida hodi bele atende ona servisu sira hanesan trata Billêti Identidade, resensiamentu eletoral, Sertidaun RDTL nomós apoiu ba programa sira hanesan Pagamentu ba idozos no inválidu sira, subsídiu fim do ano, foti dadus nomós programa dezenvolvimentu seluk mak atribui ona mai iha Postu Administrativu sira nomós Autoridade lokal sira. Tamba ne'e, tuir Governante ne'e katak, husu ba populasaun sira atu bele utiliza didiak fasilidades sira ne'e hala'o dezenvolvimentu iha baze, tamba Governu Konstitusional ida ne'e, kontinua atu garante atendimentu públiku nomós kontinua halo esforsu hodi lori dezenvolvimentu mai to'o iha baze, tenik Ministru.

Administrador PA Bazartete mós hato'o ninia bem-vindu ba Ministru MAE nomós Komitiva hotu hodi realsa katak, hodi populasaun PA Bazartete ne'ebe kompostu husi suku 9 ho abitante hamutuk 38,323, senti kontente ho inagurasaun PA foun Bazartete. Tuir nia katak, edifísiu ne'e hetan apoiu orsamentu husi MAE ho montante $ 154,189.34, harí husi Empresáriu lokal Liquiça, Aquarius Unipessoal Lda, maske atrazu maibe finaliza duni ho kualidade ne'ebe diak, konta ho partisipasaun Ministériu MAE, dirijentes sira, Pe Paroquial, Eis Administrador PA Bazartete nomós Xefe Suku sira hotu. Edifísiu Postu foun ida ne'e, harí ho objetivu hodi halibur malu, hodi koalia kona-ba dezenvolvimentu iha PA Bazartete, tuir lema ami povu Munisípiu Liquiça nian " HU ISO, LARA ISO" katak, Fuan ida Laran ida, tenik Autoridade ne'e.

Lizenz:

Public domain

Credit:

Ministério da Administração Estatal, República Democrática de Timor-Leste

Bild teilen: