2022-10-02 Lio (Seloi Craic)
Informasaun Media SASCAS data 01-10-2022 : ekipa SASCAS–PM halao monitorizasaun ba asosiasaun seloi Hortikultura Produsaun ka ASHP ne’bé lokaliza iha Aldeia Lio Suku Seloi Kraik Postu Administrativu Aileu Munisipiu Aileu. Tuir Jestor Subvensaun Públika Sr. Antonio M. Diogo Ximenes objetivu husi vizita ne’e atu monitoriza implementasaun fundos 40% ba ASHP ne’ebé financia husi SASCAS, ASHP hanesan parseirus ne’ebé hetan fundus husi SASCAS, hodi implementa programa hortikultura hanesan kuda modo ho varedade oi-oin, hakiak ikan, no sei sai Centro formasaun hortikultura iha futuro. Iha sorin seluk Sr. Victor da Costa Ximenes Gama nudar Coordenador ASHP afirma katak sira simu ona transferensia faze dahuluk ho montante $. 6000.00, ASHP utuliza ona ba Bor Be’e,Hari fatin Viveirus, hari fatin rai Metan,hari tanki be’emos,sosa material suporta hortikultura inklui hari uma ida nudar centru formasaun ASHP nian iha futuro hodi kapasita grupu beneficiario no instituisaun ne’ebe sei mai utiliza Centro ne’e nudar fatin ba peskija no pratika, Victor haktuir mos katak konstrusaun ba Centro formasaun nia progresu dadaun ne’e atinji ona 60%, responsavel masimu ASHP sente kontente no orgulho Bele hetan apoio fundos husi VIIIGC liu husi SASCAS hodi implementa programa hortikultura modernizadu ho hanoin Ida atu hakman familia agrikultor sira tanba familia agrikultor barak sei uja sistema manual ho apoi ne’ebe iha ASHP fiar sei melhora konhecemento modernu ne’ebe hafasil familia agrikultor iha futuro. ASHP ho grupo targetu sira dadaun ne’e iha etapa preparasaun ne’ebe hahu iha fulan setembro to’o Outobro 2022, etapa tuir iha fulan November bele hare ona ninia rezultado, hortikultura ne’ebe ASHP implementa kobre rai hektares rua. Jestor Subvensaun Publika SASCAS Sr. Antonio M. Diogo Ximenes afirma mos katak total orsamento ba programa ASHP ho montante $15,000.00, hodi suporta atividade prinsipal tolu ba grupu beneficiario tolu kompostu husi uma kain 18.*Remata
Informasaun Ofesial Media SASCASRelevante Bilder
Relevante Artikel
Lio (Seloi Craic)Lio ist eine osttimoresische Aldeia im Suco Seloi Craic. 2015 lebten in der Aldeia 398 Menschen. .. weiterlesen