2022-07-21 António de Jesus, CdS Uani Uma

Autor/Urheber:

Offisial Media PNDS

Shortlink:

https://www.dewiki.de/b/32f2aa

Quelle:

Wikimedia Commons

Größe:

688 x 861 Pixel (181940 Bytes)

Beschreibung:

MINISTRU DA ADMINISTRASAUN ESTATAL OFFISIALMENTE INAGURA PROJEITU UMA KBI’IT LAEK, PROJEITU REHABILITASAUN SEDE DO SUKU UANI UMA NO INAGURA SEDE DO POSTU ADMINISTRATIVU UATU-CARBAU IHA MUNICIPIU VIQUEQUE.

Sua Exelencia Ministru da Administrasaun Estatal akompanha husi Administrador Municipiu Viqueque, Administrador Postu Administrativu Uatu-Carbau, Diretor Geral Dezenvolvimentu Rural, Diretor Administrasaun Finansas MAE no Secretaria Ezekutiva ST-PNDS marka presensa iha Seremonia Inagurasaun Sede do Postu Administrativu Uatu-Carbau no Inagurasaun Projeitu UKL, RSS no nebe’e implementa liu husi PNDS. Iha tinan barak, Governu hotu-hotu inklui VIII Governu Konstitusional ho esforsu tomak konstrui ou hari’i Sede do Postu Administrativu iha Timor laran tomak hamutuk neen nulu resin hitu (67). Governu ou Estadu konkretija mandatu konstrusaun RDTL nebe’e hateten katak Administrasaun publika tenke diskonsentra serbisu iha Municipiu, ne’e Rajaun fundamental Governu ou Estadu hari’i Sede Postu Administrativu. Municipiu Viqueque mos iha ona Sede Postu Administrativu balun, menus Postu Administrativu Ossu. Iha tinan 2019, edifisiu Postu Administrativu Uatu-Carbau hahu hari’i ho durasaun tempu tinan tolu (3) e offisialmente Inagura iha loron 21 de Julhu de 2022 husi Sua Exelencia Ministru da Administrasaun Estatal. S.E Ministru Estatal hahu Diskursu iha fatin seremonia Inagurasaun ho lia menon ba Autoridade Lokal no komuinadade sira, “Hau husu Administrador Postu Administrativu Uatu-Carbau ho ninia funsionaru hotu atu utilija Sede Postu Administrativu ne’e ho diak e husu mos ba populasaun tomak iha Uatucarbau atu bele hakbesik an ba Sede ida ne’e hodi bele hetan atendementu publiku husi Estadu. Tinan barak populasaun sempre husu atu bele estabelese poder lokal ou Municipiu iha sira ninia area,antes ita atu to’o iha neba ita presija halo uluk preparasaun prinsipal balun, entaun ita hahu uluk ho estabele no rehabilita Sede do Postu, kapasita pessoal Administrasaun Publiku sira hodi bele serbisu ho diak”. Iha loron hanesan Ministru Estatal mos Inagura Projeitu Uma Kbi’it Laek (UKL) no Rehabilitasaun Sede do Suku (RSS) iha Suku Uani Uma Postu Admnistrativu Uatu-Carbau. Liga ba Rehabilitasaun Sede do Suku ne’ebe Inagura, Sua Exelencia Ministru hateten “ hau kontenti tebes liu husi PNDS aloka osan ba iha Suku ida ne’e hodi ita bo’ot sira rehabilita rasik Sede do Suku ne’e no mos ba Sede do Suku sira seluk iha Postu Uatucarbau nebe’e hahu ona Rehabilita e parese bele finalisa iha tinan oin. Iha tinan ida ne’e (red-2022) Governu rehabilita ona Sede do Suku besik atus haat (400) husi total Sede do Suku atus haat lima nulu resin rua (452) iha Timor laran tomak, tinan oin bele rehabilita tan Sede do Suku lima nulu resin rua (52) entaun ita kompleta ona”. Ministru hatutan dehan “hau mos kontenti tebes ohin loron bele mai Inagura ita bo’ot sira nia Sede do Suku e ohin hau hare ekipamentus apoiu ba serbisu hanesan komputador no printer kompletu, ita presija dei’t aumenta tan kapasita formasaun ba PAAS (Pesoal Apoiu Adminitrasaun Suku) hodi bele komprende liu tan oinsa utilija ekipamentus hirak ne’e”. Koalia kona ba UKL, Sr. Miguel Pereira de Carvalho Ministru da Administrasaun Estatal hateten Direitu ema atu hela iha fatin nebe’e diak no dignu proteje iha Konstitusaun Republika de Timor Leste, tamba ne’e VIII Governu Konstitusional iha hanoin atu investe ba Programa hari’i Uma ba Povu sira liu-liu ba ema ne’ebe Kbi’it Laek. Governante ne’e mos hato’o Parabens ba Populasaun Uatu-Carbau tomak ba susesu husi implementasaun atividades PNDS. “Hau fo parabens ba ita bo’ot sira hotu, populasaun Uatu-Carbau no Municipiu Viqueque tomak, tamba ho ita bo’ot sira ninia esforsu ajuda tebes hau. Antes ne’e iha tinan kotuk (red-2021) ita konstrui Uma hamutuk rihun ida atus rua lima nulu resin rua (1252) no husi rejultadu serbisu, ita bo’ot sira konstrui Uma nebe’e diak tebes, wainhira iha Parlementu Nasional, Deputadu sira husu atu konstrui tan Uma rihun haat iha tinan ida ne’e, e iha ita bo’ot sira nia Suku sei konstrui tan Uma unidade sia (9) ou Sanulu, diferensia ho tinan kotuk nebe’e kada Suku hetan de’it Unidade tolu (3). Susesu implementasaun Programa ida ne’e la’os hau ninia esforsu, maibe Xefe do Suku, Komunidade, benefisiariu no ema hotu-hotu iha Uatu-Carbau ninia Esforsu. Hau pesoalmente sempre komfia no fiar iha ema (Povu) e hau nia karera Administrasaun publiku ne’e barak liu serbisu hamutuk ho populasaun sira, wainhira ita deposita komfiansa ba Povu sira, entaun sira sei responde positivu hodi halo diak ba Estadu liu-liu ba sira nia an rasik”. Xefe do Suku Uani Uma Sr. Antonio de Jesus hato’o Agradesementu ba VIII Governu liu husi MAE no ST-PNDS bele rehabilita Sede do Suku no Konstrui UKL ba ninia Komunidade sira. “Ami Suku Uani Uma haksolok no louva ho programa hotu husi Ministeriu da Administrasun Estatal no Parseiru dezenvolvimentu sira ninia planea hodi bele ezekuta ou implementa iha ami nia Suku. Ohin loron Sua Exelencia no Secretaria Ezekutiva PNDS bele mai hare’e ho matan no senti rasik rejultadu serbisu. Karik husi rejultadu hirak ne’e sei iha falta balun, bele rekomenda hela mai ami hodi bele hadia iha tempu oin mai, tamba ami nudar membrus EJS mai ho kapasidade ne’ebe minimu. Hodi komunidade tomak ninia fatin, hau hato’o Agradesementu ba VIII Governu Konstitusional ne’ebe mak implementa no konstrui ona Uma Kbi’it Laek (UKL) no Rehabilita Sede Suku nebe’e ohin loron Inagura ona e intrega ona mai hau no konselhu Suku ho fasilidade nebe’e iha atu bele hala’o knar serbisu ho diak no dignu hodi serbi ba komunidade rihun rua atus rua neen nulu resin lima (2265) iha Suku Uani Uma”. Antes remata ninia diskursu, lideransa Komunitaria ne’e hato’o mos rekomendasaun balun baseia ba implementasaun atividade UKL hare’e liu ba materiais konstrusaun ne’ebe wainhira iha prosesu konstrui uma tenke uja eletrisidade. Benefisiariu balun hela iha area nebe’e seidauk iha linha eletrisidade, entaun difikulta badaen sira wainhira presija eletrisidade hodi hala’o serbisu, ezemplu presija atu solda besi ou tesi besi uja ekipamentus liga ho eletrisidade, tamba ne’e Xefe do Suku husu atu bele tau ba konsedeirasaun katak karik bele iha mudansa uitoan ba metodu ida ne’e. Marka presensa iha seremonia inagurasaun mak hanesan Administrador Postu Administrativu Uatucarbau, Xefe do Suku lima (5), Ekipa Jestaun Suku, Komandante PNTL Postu Administrativu Uatu-Carbau, Parte Veteranus, Amu Paroku, Diretor Delegasaun ST-PNDS no ekipa, Diretor Kompania Konstrusaun, Benefisiaria no komunidade.

Offisial Media PNDS

Lizenz:

Public domain

Credit:

Offisial Media PNDS

Bild teilen: