2022-07-08 aldeia Lebumeran, suco Faturilau

Autor/Urheber:

Ministério da Administração Estatal, República Democrática de Timor-Leste

Shortlink:

https://www.dewiki.de/b/32f13e

Quelle:

Wikimedia Commons

Größe:

960 x 640 Pixel (223808 Bytes)

Beschreibung:

SEREMONIA INAGURASAUN UMA KBI'IT-LAEK IHA ALDEIA LEBUMERAN POSTO ADMINISTRATIVU LEQUIDOE, MUNISIPIU AILEU

AILEU: (Sesta-feira , 08-07-2022). Sua Exelencia Vice Ministru Administrasaun Estatal, Sr. Lino De Jesus Torrezão, realiza seremonia Inagurasaun Uma Kbi'it Laek ba unidade tolu iha Aldeia Lebumeran, Suku Faturilau, Postu Administrativu Lequidoe, Municipio Aileu, ne'ebé akompańa husi DGDR-MAE, Administrador Munisipiu Alieu no Representante Secretaria Executive ST-PNDS. Iha fatin refere Sua Excelencia Vise Ministro U hata'an ba Jornalista katak "objetivu mai iha fatin ida ne'e atu inagura sucsesu implementasaun UKL ne'ebé finaliza ona humutuk tolu (3) iha Suku ida ne'e (Faturilau) ne'ebé rejultadu servisu komunidade sira nian, iha Aldeia Lebumeran hodi fo ba benefisiariu sira atu nune'e sira bele hela iha uma ida ne'ebé mak dignu. "Hanesan ita hatene katak Oitavu Governu Konstitusional ninia programa la'o tuir duni programa, programa hirak ne'e maka hatun mai iha povu sira nia le'et, bainhira ita hatun ona programa mai iha povu sira nia le'et signifika katak ita hatun ona osan mai iha povu sira nia le'et, atu nune'e osan labele ba fali iha estrangeiru ne'eba". Iha fatin sede Suku Faturilau Exelencia Vise mos hato'o nia intervensaun ba komunidade Suku Faturilau katak Oitavu Governu dadauk ne'e nia aprezenta ona proposta Orsamentu ba Parlamento Nasional, depois ninia programa iha kedas ona no orsamentu hirak ne'e tuir programa ne'ebé maka mensiona iha leten. Bainhira osan ne'e tau ona iha programa signifika katak programa ne'e labele bo'ok ona, no orsamentu ne'e ninia programa mak ida ne'e duni, exemplu orsamentu ba ema kbi'it laek nia labele ba fatin seluk. Karik uja osan ne'e ba fali fatin seluk signifika katak uja osan ne'e latuir lei ne'ebé mak iha ona. Programa hirak ne'ebé atu halo iha tinan ne'e mak hanesan ida subsidio ba chefe familia kada tinan-tinan sei hetan $ 200.00 Dollar americano no programa UKL+. Programa UKL+ ne'e iha tipu rua ida maka UKL+A ne'e hare ba komunidade sira ne'ebé maka uma leten sei du'ut ou meia parede governu sei troka hotu dala ida. No UKL+B ne'e ba komunidade sira ne'ebé ninia uma metin tiha ona ida ita troka maka kalen sira ne'ebé ferujen, governu sei troka fali kalen foun ho pregu deit para atu prega fila fali, ida ne'e maka Governu nia hakarak no sei kontinua esforsu, servisu makas para dezenvolvimentu la'o nafatin iha Munisipiu to'o Suku no Aldeia sira iha tertorio Timor laran. Iha seremonia inagurasaun refere partisipa masimu husi Komunidade iha Suku Faturilau, Adminstrador Postu, Comandante Eskuadra Municipio Aileu, Diretor Delegasaun PNDS Municipio, Xefe Suku, Konselhu Suku, Lideransa Komunitaria, Estudante, Ekipa Jestaun Suku (EJES), no Veteranus.