2022-05-19 Monumentu Memoriak I Governu-1975 1
𝐃𝐢𝐥𝐢, 𝐥𝐨𝐫𝐨𝐧 𝟏𝟗 𝐟𝐮𝐥𝐚𝐧-𝐦𝐚𝐢𝐮, 𝐭𝐢𝐧𝐚𝐧 𝟐𝟎𝟐𝟐 – Sua Eselénsia Primeiru-Ministru Taur Matan Ruak, kinta ne’e partisipa iha serimónia inaugurasaun ba Monumentu memorial I Governu Konstitusionál tinan 1975, iha Palásiu Nobre Lahane-Dili. Monumentu ne’e hetan inaugurasaun hosi Prezidente Repúblika atual, Dr. Francisco Guterres Lú Olo. Memoria ne’e harii hosi Prezidénsia Repúblika atu husik hela hanesan eransa ba jerasaun tuir mai kona-ba istória Timor-Leste nian liuliu kona-ba formasaun I Governu Konstitusionál 1975 ne’ebé lidera hosi Primeiru-Ministru Nicolau dos Reis Lobato, ho estrutura Ministru na’in 11 no Vise Ministru 7 tempu ne’ebá, no Primeiru-Prezidente Repúblika mak Proklamadór Francisco Xavier do Amaral.
Hola parte iha serimónia refere, Prezidente Repúblika eleitu, Dr. Jose Ramos Horta, Prezidente Parlamentu Nasionál, membru Governu, família hosi membru Governu 1975 no konvidadu seluk tan.Relevante Bilder
Relevante Artikel
Liste der Denkmäler in DiliDie Liste der Denkmäler in Dili gibt die Denkmäler und Monumente in der Gemeinde Dili der osttimoresischen Landeshauptstadt Dili wieder. .. weiterlesen