2022-03-15 Clinica Madre Cecilia dos Santos, Tapo-Memo
Iha vizita ne'e Ministra hato'o agradese ba madre sira ne'ebé disponibiliza fatin atu sai hanesan postu ba atividade kampaña vasinasaun. Ministra "Ha'u mós hakarak husu deskulpa tanba karik ha'u hetan konvite ruma atu mai vizita Klinika ida-ne'e maibé ami laiha oportunidade atu mai, aproveita oportunidade ida-ne'e hala'o atividade kampaña vasinasaun nian, halo mós vizita bá Klinika ba ema komunidade Memo nian iha ita-boot sira-nia Klinika." Ministra Saúde husu ba autoridade lokál no Lider komunitária Maliana nian atu identifika númeru populasaun ne'ebé iha atu bele estabelese sentru saúde iha Memo. "Ha'u ohin konfirma ona ho Xefi Serbísu Saúde Munisípiu nian nomós Diretór Jéral na'in 2 ne'ebé mak mai hamutuk, ami nota katak iha Memo ho nia númeru abitante 5 mil liu, ida-ne'e ita sura ba Memo de'it, maibé ita sura ho Aldeia balun ne'ebé mak hela besik husi Memo ne'e, sekarik bele mós iha númeru ne'ebé mak boot liu 5 mil. Nafatin ha'u husu ba Administradór Postu, Xefi Suku no Xefi Aldeia sira, atu identifika took, ita-nia abitantes lolos ne'e hira? Se 5 mil liu, tanba ami iha kriteria ida, populasaun mais de 5 mil, fatin ne'e Iha direitu atu halo sentru saúde la'os postu saúde." "Mais se husi 5 mil, ne'e ita estabelese ita-nia postu saúde entaun ita hakarak atu haree ita-nia estratéjia ne'e halo nu'usá? Se Memo de'it 5 mil oinsá ho Aldeia sira balbalun besik iha ne'e ne'ebé mak bele asesu mós bá Memo, se liuhusi 5 mil proposta ne'ebé mak klaru, ita hamutuk ho na'i liurai sira, administradór postu para atu bele haree rekursu ne'ebé mak sufisiente atu bele hatan ba komunidade ida-ne'e." "Tanba ohin madre hatete dehan loron ida nia halo konsulta ba ema nain 25, 25 ne'e tanba nia mesak de'it, se iha enfermeiru, se iha médiku, se iha parteira, dalaruma ita-nia komunidade sei hakbesik mai iha fatin ida-ne'e barak liu." Remata vizita Ministra Saúde ho ekipa kontinua hala'o Kampaña vasinasaun Covid-19 AstraZeneca doze dahuluk, doze daruak no Booster/Pfizer. Atividade ne'e suporta másimu husi NGO-HAMNASA no fundus husi USAID | Timor-Leste Local Health System Sustainability Project -LHSS
Marka mós prezensa iha kampaña vasina mak Reprezentante OMS, Unicef no seluk tan
Relevante Bilder
Relevante Artikel
Tapo/MemoTapo/Memo ist ein osttimoresischer Suco im Verwaltungsamt Maliana. .. weiterlesen