2021-10-15 Horai-Quic
Maubisse, 15 Outobru 2021- Sekretáriu Estadu Formasaun Profisionál no Empregu SEFOPE Alarico de Rosario hamutuk ho Sekretáriu Estadu ba Asuntu Kombatente Libertasaun Nasionál Gil da Costa Monteiro "Oan Soru" akompaña Vise-Primeira Ministra no Ministra Solidaridade Sosiál no Inkluzaun Armanda Berta dos Santos hala'o kampaña vasinasaun kontra surtu KOVID-19 iha Suku Horai-Quic, postu administrativu Maubisse Munisípiu Ainaru. Iha biban ne'e Sekretáriu Estadu Formasaun Profisionál no Empregu husu komunidade sira iha suku Horai-Quic hó konsensia atu bele partisipa maximu iha vasinasaun kontra virus KOVID-19. Tambá vasina hanesan meius ida atu hasa'e ita nia imunidade hodi proteze ita husi virus aat ida ne'ebé espalla iha mundu tomak hodi halakon ema nia vida, tanbá aimoruk ne'ebé atu salva ita sei la-iha xó de'it iha vasina. Governante ne'e mós husu ba komunidade sira iha Suku Horai-Quic atu labele fiar informasaun sira ne'ebé fó sai iha mídia sosiál katak vasina ohó ita, no mós infoasaun sira seluk ne'ebé hatete katak vasina ne'e la-di'ak, ida ne'e la-los.
Tempu hanesan Lideransa SEFOPE ne'e mós husu ba komunidade sira hotu iha suku Horai-Quic, liu-liu joven sira ne'ebé hakarak tuir formasaun no mós sira ne'ebé hakarak partisipa iha vaga servisu rai-liur hanesan Austrália no Korea Súl atu bele tuir vasina, tanbá kriteria sei persiza ema ne'ebé partisipa vasina dala-rua.Relevante Bilder
Relevante Artikel
Horai-QuicDer osttimoresische Suco Horai-Quic liegt im Südwesten des Verwaltungsamts Maubisse. .. weiterlesen