2021-08-13 Tribunal de Recurso de Timor-Leste
Dili, loron 13 fulan-agostu, tinan 2021 – Sua Eselénsia Primeiru-Ministru Taur Matan Ruak, sesta lokraik, akompañadu hosi Prezidente Tribunál Rekursu, Dr. Deolindo dos Santos, Ministru Obras Públikas, Arq. Salvador Pires, Ministru Justisa, Manuel Cárceres, halao vizita ba fatin konstrusaun Tribunal Distritál Dili nian iha área Kaikoli, hodi haree besik liu progresu obra refere, ne’ebé daudaun ne’e atinje ona pursentu 27.
“Ne'e Sua Eselénsia Prezidente Tribunál Rekursu mak konvida ha'u, Señór Ministru Justisa, Señór Ministru Obras Públikas, ami mai vizita fatin ne'e, iha tinan kotuk ita lansa i ohin ami mai vizita.
Ha'u hakarak hateten katak, ha'u kontente loos haree kontratór nia servisu no mós konsultan nia servisu kualidade di'ak, tanba ita halo obras barak iha Timór ha'u haree rasik, mais ida-ne'e ha'u apresia," dehan Xefe Governu hafoin hala’o tiha observasaun Xefe Governu espera katak obra ne’e bele remata iha tinan oin.
"Ha'u espera ké tinan oin bele remata, tanba hanesan ita-boot sira hatene, Estadu direitu demokrátiku ne'e nia pilár boot ida mak setór justisa, justisa tribunais sira ita la tau matan, ne'e ita ko'alia Estadu Direitu Demokrátiku mais ne'e ema dehan ita halimar, entaun ita fó fatin infraestrutura, ita prepara ita-nia kuadru teknolojia ne'ebé di'ak, para ké sira konfortável servisu hodi konsentra bá tau lia-loos, liu-liu bainhira sidadaun sira buka lia-loos”, tenik.
Xefe Ezekutivu ne’e mós aproveita fó parabéns ba Prezidente Tribunal Rekursu, Konsultór sira tanba obra refere sai referénsia boot loos atu bele dezenvolve infraestrutura iha futuru ho kualidade.
"Ha'u fó parabéns bá Señór Prezidente, tanba ekipa tékniku sira-ne'ebé halo akompañamentu di'ak loos, ha'u espera katak, ida-ne'e sei sai referénsia boot ida bá ita hotu nia esforsu para dezenvolve infraestrutura iha futuru oin mai, kualidade, kualidade, kualidade ne'e importante loos, tanba ita gasta osan, mais ita mós hakarak uza, ita gasta osan mais depois ita estraga de'it ita la uza tempu naruk ne'e ita dehan bahasa karik, buang garam ke laut! so'e masin bá tasi laran. Entaun ha'u apresia loos, parabéns S.E. Prezidente ho nia ekipa, ekipa konsultan no kontratór, traballadór sira-ne'ebé halo esforsu para hatudu katak ita mós bele", hatutan.
Xefe Governu apresia ho progresu konstrusaun refere, maske ho situasaun pandemia COVID-19 maibé kompañia esforsu kontinua obra ho kualidade ne’ebé iha avansu signifikativu.
Projetu ne’e hetan lansamentu tau fatuk dahuluk hosi Xefe Governu ho entidade Estadu nian sira seluk iha loron 25 fulan-novembru, tinan 2020.
Obra ne’e kaer hosi kompañia Xinéza, China Shandong International Economic & Technical Cooperation Group,R.P. no hetan supervizaun hosi kompañia DACREA (Archtimor Engineering Conultents) parseria ho AEC, ho kustu dolar amerikanu millaun 10,990 ital.
Relevante Bilder
Relevante Artikel
CaicoliCaicoli ist ein osttimoresischer Suco im Verwaltungsamt Vera Cruz und Ortsteil der Landeshauptstadt Dili. Der Sitz des Sucos befindet sich in der Aldeia De 12 Divino. .. weiterlesen