2021-03-17 Francisco de Andrade, Admin. Cova Lima

Ministru Mae, Dr. Miguel Pereira de Carvalho hateten, Administrador foun Munisipiu Covalima, Fransisco de Andrade sei garante nia responsabilidade sira durante nia mandatu mak; 1.Alunus sira iha Covalima bele tuir prosesu ensinu aprendisajen ho diak iha nivel pre-primaria no ensinu basiku. 2.Populasaun sira hetan atendementu saúde ne'ebé diak iha postus saúde no sentru saúde komunitaria sira 3.Infraestruturas rurais no urbanas ne'ebé adequado hodi fasilita populasaun nia moris, 4.Kanalizasaun be’e ba komunidade sira nia uma no saneamentu adequado, 5.kordena atividade extensaun Agricola, vasinasaun animal, no apoio re-florestasaun, 6.Hadia funsionamentu merkadu munisipais. Ministru informa liu tan, posse ne'e labele realiza iha fulan febreru tamba akontese serka sanitária iha Covalima nune'e adia hodi halo iha Dili para bele funsiona Administrador foun bele exekuta nia kna'ar iha tempu defisil ne'e. Administradores Munisipius mak representa governu sentral nia servisu iha munisipiu, hodi dirige Administrasaun Munisipal nian nune'e assegura norma funcsionamento serviso Administrasaun lokal Estado iha munisipiu no responde atividades hotu parente membro Governo nebe’e Responsavel ba adminitrasaun Estatal. Ministru Mae Dr. Miguel husu ba Administrador foun munisipiu Covalima atu dirige no exerce nia kompetensia sira nebe’e governo deposita ona ba Administrador, nomeadamente kompetensia iha dominio Edukasaun, Saude, Seguransa Alimentar, Obras publicas, Transportes, Agua (bee) Saneamentu no Ambiente, Seguransa Alimentar, Agrikultura, Gestaun Merkado nó Turismo, Asaun sosial, Gestaun Desastres Naturais, Protesaun sivil, Registo i Notariado, no serviso Cadastrais nó apoio ba organisaun komunitarias. Membru oitavu governu ne'e iha espetativas bot ba Administrador Foun Covalima bele implementa Plano Estrategico Desenvolvimentu Nasional 2011-2030, ho diak. Ministru Miguel husu ba Administrador foun munisipiu Covalima nian atu programa munisipal labele haketak-an hosi programa nasional ne'ebé trasadu ona iha PEDN. Programa sira iha nivel lokal tenki korelasaun ho programa nasionál nune’e labele hamosu diskrepansia. Ikus liu membru governu ne'e hakarak apela ba sidadaun sira iha munisipiu Covalima atu hases-an hosi divisionismu sira, tamba divisionismu lori deit resultado negativo hodi hafraku ita nia Nasaun Timor-Leste. Ministru Mae agradese wain ba Administrador sesante Afonso Nogueira Nahak ba nia kontribuisaun tomak ne’ebé ramata ona ninia mandatu ho diak. Pose ba Administrador foun Covalima, Fransisco de Andrade, hala'o iha edefisiu Stae kaikoli dili loron kuarta feira, 17 marsu 2021.