2022-10-01 inagurasaun ba igreja São Callisto Caravário, Tula, Uai-Mori 5
Iha serimónia inagurasaun ba igreja ne'e Xefe Gabinete Primeiru-Ministru (CG-PM) kongratula ba povu hosi suku Waimori Tula ne'ebé iha ona uma orasaun foun. Maske tinan barak mak komunidade sira tenke ba partisipa misa iha suku seluk, maibé hahú hosi loron 1 outubru 2022, povu Waimori Tula iha ona uma orasaun rasik hodi halibur sarani sira hodi hanorin sarani sira kona-ba Nai Maromak. Alende ne'e, Kardeal dahuluk Timor-Leste nian, Arsebispu Metropolitanu Dili, Dom Virgílio do Carmo da Silva, SDB liuhosi omília kongratula ba sarani Waimori Tula Oan ne'ebé iha ona uma orasaun foun no agradese ba Padre Locateli ne'ebé durante ne'e esforsu tebes hodi halibur sarani sira iha Waimori Tula.
Inagurasaun ba igreja São Callisto Caravário iha suku Waimori Tula ne'e, diretamente hosi Kardeal dahuluk Timor-Leste nian hamutuk ho Reprezentante Prezidente Repúblika Timor-Leste. No partisipa iha serimónia inagurasaun ne'e mak Reprezentante Santa Se iha Timor-Leste, Monsenor Marco Sprizzi, Prezidente Autoriedade Munisípiu Vikeke, Sr. Januário Soares, Sua Exelénsia Ministru Turizmu Komérsiu no Indústria (MTCI), Sr. José Lucas do Carmo da Silva, Sua Exelénsia Ministru Edukasaun Juventude no Desportu (MEJD), Sr. Armindo Maia, Sua Exelénsia Ministru Petroleu no Minierais (MPM), Sr. Victor da Conceição Soares, amu parókia Vikeke, alumni Dom Bosco inklui konvidadus no povu munisípiu Vikeke.Relevante Bilder
Relevante Artikel
Uai-MoriUai-Mori ist ein osttimoresischer Suco im Verwaltungsamt Viqueque. .. weiterlesen